Gjykata e Posaçme Antikorrupsion ka rrëzuar kërkesën e Klajdi Merkaj për zëvendësim të masës së sigurisë “arrest në burg”.
Vendimi u dha mëngjesin e sotëm nga gjyqtari i çështjes, Bib Ndreca.
Merkaj, 35 vjeç, u ekstradua nga Italia në Shqipëri në nëntor të vitit 2024, pasi ndaj tij Gjykata e Posaçme ka caktuar masën e sigurisë “arrest në burg” për veprën penale “pastrimi i produkteve të veprës penale ose veprimtarisë kriminale”, kryer në bashkëpunim.
Ai njihet si mik i ngushtë i vëllezërve Çopja dhe, sipas hetimeve të SPAK, dyshohet se ka pastruar paratë e Hajdar dhe Franc Çopjas.
