Autoriteti Kombëtar Shëndetësor francez ditën e sotme ka aprovuar për përdorim masiv vaksinën anti-Covid Moderna. Ky aprovim vjen menjëherë pas dhënies së “dritës së gjelbër” vaksinës Pfizer/BioNTech e cila është aprovuar pak kohë më parë, për të vazhduar sa më shpejt me procesin e vaksinimit.
Ndërkohë kujtojmë se para dy ditësh Autoriteti i Barnave në Evropë (EMA) aprovoi vaksinën Moderna për vendet e Bashkimit Evropian. Në lidhje me aprovimin e vaksinës ka folur edhe Ministri i Shëndetësisë, Olivier Veran, i cili tha se Franca duhet që të jetë më e shpejtë për vaksinimet.“Ne duam të jemi të shpejtë,” tha ai.
Ditën e djeshme Véran tha se 50,000 dozat e para të Modernas do të dorëzohen të hënën, duke synuar të arrijnë mbi 2 milion deri në qershor. “Në përgjithësi, ne presim pak më shumë se 100,000 vaksina për muajin janar për Moderna, 500,000 shtesë në shkurt, pak më shumë se një milion në mars dhe prill dhe mbi 2 milion në maj dhe qershor,” tha Véran.
