Nënkryetari i Partisë së Lirisë, Petrit Vasili me anë të një postimi në rrjetet e tij sociale ka lajmëruar që Partia Demokratike Italiane ka kërkuar largimin e Partisë Socialiste të Shqipërisë nga Partia Socialiste Europiane.
Ai thotë se lajmi është bërë me dije nga mediat italiane dhe se ky përjashtim është kërkuar nga drejtuesi kryesor i PDI-së.
Vasili në deklaratën e tij, flet edhe lidhur me marrëveshjen Rama-Meloni nënkryetari i PL-së akuzon Ramën se ka bërë një veprim antishtet, duke e kthyer Shqipërinë në një kamp emigrantësh të paligjshëm.
Reagimi i plotë:
Kërkohet largimi i Edi Ramës nga Partia Socialiste Europiane!
Partia Demokratike Italiane (PDI) do të kërkojë largimin e Partisë së Edi Ramës nga Partia Socialiste Europiane (PSE), për shkak të marrëveshjes së paligjshme me Melonin për emigrantët.
Kjo bëhet e ditur nga mediat në Itali, ku drejtuesit kryesore të PDI-së bëjnë të qartë se do të kërkojnë përjashtimin e Ramës ashtu siç u veprua me kryeministrin e Sllovakise, Fico për qëndrimet proruse të tij.
Është e qartë se veprimi antishtet dhe banditesk i Edi Ramës për të kthyer Shqipërinë në një kamp gjigant emigrantësh të paligjshëm është i papranueshëm në çdo pikpamje.
Dhënia e teritorit në mënyrë skandaloze dhe nxjerrja e Shqipërisë në ankand për intetesa të vendeve të tjera dhe në shkelje të dhunshme të Kushtetutës është një veprim shumë i rëndë dhe i dënueshëm penalisht i Edi Ramës. Drejtësia në Shqipëri duhet të fillojë hetimin urgjent të Edi Ramës për tradhëti të interesave kombëtare.
