Pas shumë diskutimeve për kthimin e vizave për shtetasit Shqiptarë, sot Parlamenti i Holandës votoi pro propozimin.
Ishin VVD, CDA, PVV, SP, CU, 5 partitë që propozuan më 11 Prill mocionin e votuar sot me shumicë votash, 108 vota pro dhe 42 kundër kthimit të regjimit të vizave.
“Pas diskutimeve të shumta, duke vënë në dukje se: ka pasur një rritje të ndjeshme të aktiviteteve kriminale nga mafia shqiptare në Holandë; ndërsa këto organizata kriminale keqpërdorin mundësinë për të udhëtuar pa viza përmes Evropës dhe të zgjerojnë më tej rrjetin e kontrabandës, i kërkojmë qeverisë të paraqesë kërkesën në Komisionin Evropian për të filluar procedurën e rikthimit të vizave,”- thuhet në njoftimin zyrtar të Parlamentit holandez.
Ky votim i hap kështu rrugën qeverisë së Holandës për t’ju drejtuar Brukselit, pasi fjala e fundit për këtë kërkesë i takon Bashkimit Europian. Po ashtu procedura për të rikthyer vizat nis nga BE.
PËRMBAJTJA E KËRKESËS
Pas dëgjimit të diskutimit, duke vënë në dukje se ka pasur një rritje të ndjeshme të kriminalitetit nga mafia shqiptare në Holandë, këto organizata kriminale keqpërdorin mundësinë për të udhëtuar pa viza përmes Evropës dhe me tej, zgjerojnë rrjetin e kontrabandës. Vëmë në dukje se pezullimi i vizave për Shqipërinë u detyrua nga kushte të ndryshme, duke përfshirë parandalimin e krimit ndërkufitar, i kërkojmë qeverisë të paraqesë kërkesën në Komisionin Evropian për të filluar procedurën e rikthimit të vizave.
