Sipas një studimi të ri,një në tre persona që rikuperohen nga COVID-19, vuajnë nga probleme neurologjike ose psikiatrike gjashtë muaj më vonë. Studimi i botuar në revistën “Lancet Psychiatry”, tregoi se pacientët me COVID-19 kishin më shumë gjasa të zhvillonin probleme neurologjike sesa të vuanin nga infeksione të tjera të traktit respirator.
Duke studiuar të dhënat shëndetësore të më shumë se 230,000 pacientëve që ishin shëruar nga COVID-19, 34% u diagnostikuan me probleme neurologjike ose psikiatrike brenda gjashtë muajve. Problemet më të zakonshme ishin ankthi (17%) dhe çrregullimet e humorit (14%). Për 13% të pacientëve, kishin probleme neurologjike. Problemet e çrregullimeve neurologjike, si hemorragjia (0.6%) dhe goditja në tru (2.1%), ishte më e ulët se çrregullimet psikiatrike, por rreziku për probleme të shëndetit mendor ishte përgjithësisht më i lartë në pacientët që kishin kaluar COVID-19 me simptoma më të rënda.
Autorët gjithashtu, ekzaminuan të dhëna nga më shumë se 100 mijë pacientë të diagnostikuar me grip dhe më shumë se 236 mijë të diagnostikuar me ndonjë infeksion të traktit respirator. Studiuesit zbuluan se në përgjithësi, kishte një rrezik prej 44% më të madh të diagnozave neurologjike dhe shëndetit mendor pas COVID-19, se sa pas gripit, si dhe një rrezik prej 16% më të lartë sesa me infeksionet e traktit respirator. Ky studim, ka me të vërtetë shifra shqetësuese.
