Seanca e sotme parlamentare pritet të jetë me interes të lartë, pasi opozita po rikthehet në Kuvend pas disa seancave me tensione të forta.
Ndër temat kryesore është diskutimi për projektbuxhetin faktik të vitit 2023, i cili ka shkaktuar polemika mes partive politike për mënyrën e shpenzimeve dhe performancën e qeverisë në menaxhimin e fondeve publike.
Gjithashtu, Kuvendi do të diskutojë disa ndryshime në përbërjen e komisioneve të përhershme.
Konkretisht, pritet të shqyrtohet projekvendimi për modifikimin e vendimit nr. 69/2021, që përcakton anëtarësinë e komisioneve, dhe një tjetër projekvendim për ndryshimin e vendimit nr. 70/2021 për anëtarët zëvendësues të komisioneve të përhershme.
Këto ndryshime synojnë përditësimin e listës së anëtarëve dhe zëvendësuesve për të siguruar një përfaqësim më të plotë dhe efikas në punimet e komisioneve.
Pjesëmarrja e opozitës dhe temat e diskutuara pritet të sjellin debate të forta, veçanërisht për çështjet e buxhetit dhe përfaqësimit të tyre në komisione.
