Hanan Balkhy, Drejtoresha Rajonale e Organizatës Botërore të Shëndetësisë për Mesdheun Lindor, ka alarmuar për situatën katastrofale humanitare në Rripin e Gazës, ku uria dhe mungesa e ushqimit kanë arritur shkallë alarmante.
Gazës po i bëhet bllokadë dhe sulme të vazhdueshme izraelite, që po shkaktojnë vdekjen e njerëzve.
Gjatë takimit të 78-të të Asamblesë Botërore të Shëndetësisë në Gjenevë, Balkhy theksoi se infrastruktura shëndetësore në Gaza është dëmtuar rëndë.
Shumë spitale janë shkatërruar ose funksionojnë me kapacitet të reduktuar, ndërsa mungesa e ilaçeve dhe pajisjeve mjekësore është dramatike rreth 41-42% e ilaçeve thelbësore dhe vaksinave nuk janë në dispozicion, dhe 64% e pajisjeve mjekësore mungojnë totalisht.
Ajo vuri në dukje përkushtimin e stafeve shëndetësore në këto kushte jashtëzakonisht të vështira, por theksoi se sëmundje të ndryshme si infeksione, pneumoni, skuqje të lëkurës dhe çrregullime të shkaktuara nga stresi post-traumatik po përhapen me shpejtësi, duke rënduar më tej gjendjen e popullsisë.
Në lidhje me ndihmën humanitare, Balkhy informoi se 51 kamionë me ndihma po qëndrojnë në kufi, të bllokuar dhe pa mundësi të hyjnë në Gaza.
Ushqimi dhe ndihmat që kanë mbërritur janë të pamjaftueshme për nevojat urgjente, dhe uria është përhapur gjerësisht. Tragjikisht, shumë njerëz, përfshirë fëmijë, po vdesin nga mungesa e ushqimit dhe trajtimit mjekësor.
Sipas të dhënave të OBSH-së, numri i të vrarëve në Gaza ka kaluar 54,000, por ky shifër mund të jetë më i lartë për shkak të shumë personave që mbeten të bllokuar nën rrënoja.
Balkhy përfundoi duke thënë se shkatërrimi në këtë rajon është më i madh se çfarë mund të imagjinohet.
