Mbledhja e sotme nëKomisionin e Ekonomisë ka nisur me një përplasje mes Arben Ahmetaj dhe deputetit demokrat Alban Zeneli.
Ky i fundit ka ndërhyrë në debat pa u ulur në tryezë, por duke folur nga dera e sallës.
Ky veprim nuk i ka pëlqyer drejtuesit të komisionit, Arben Ahmetaj, i cili ka kërkuar ndërprerjen e mbledhjes, derisa të vihet rregull, shkruan “Shqiptarja.com”
Pjesë nga debati:
Alban Zeneli:Mund të ndërhyj si qytetar i thjeshtë.
Arben Ahmetaj: Alban ose ulu merr pjesë në komision. Në këmbë nuk flitet.
Alban Zeneli: Intimidime me deputetët mos bëj. Mos fol me mua ashtu. Nuk të pyes ty nëse ulem apo nuk ulem.
Ahmetaj: Komisioni ndërpritet deri sa të vihet rregull.
Ndërkohë pak minuta më parë, ky komision hodhi poshtë dekretet e presidentit Ilir Meta, për koncesionet dhe privatizimet.
Deputetët e opozitës votuan pro dekreteve, por gjithçka u rrëzua nga votat e mazhorancës.
