Policia ka vijuar kontrollet për zbatimin e masave parandaluese ndaj COVID-19/
Gjatë 24 orëve të fundit janë gjobitur me 10 mijë lekë 71 shtetas, për cilët u konstatuan duke qarkulluar në këmbë apo me biçikleta, pa pasur emergjencë.
Gjithashtu janë evidentuar 34 drejtues mjetesh në shkelje të urdhërit për ndalim qarkullimi, të cilëve u janë hequr patentat dhe u janë bllokuar mjetet.
Po ashtu janë gjobitur edhe 24 subjekte tregtare me 100 mijë lekë, pasi nuk zbatuan orarin e mbylljes.
Njoftimi i policisë
Policia e Shtetit
Strukturat e Policisë kanë vijuar kontrollet në të gjithë territorin, në zbatim të masave kufizuese të shpallura nga qeveria shqiptare, për vënien në kontroll të pasojave që sjellin përhapjen e COVID-19.
Në të gjithë vendin janë ndëshkuar me masë administrative 10.000 lekë, 71 shtetas, të cilët u konstatuan nga shërbimet e Policisë duke lëvizur në këmbë apo me biçikleta, pa ndonjë arsye apo emergjencë.
Gjatë 24 orëve të fundit në të gjithë vendin, janë evidentuar 34 drejtues mjetesh që kanë shkelur urdhrin e ndalim qarkullimit, të cilët janë ndëshkuar me heqje të lejes së drejtimit dhe bllokim mjeti, në zbatim të Aktit Normativ Nr. 3, datë 15.03.2020 ”Për marrjen e masave të veçanta administrative gjatë kohëzgjatjes së periudhës së infeksionit të shkaktuar nga virusi COVID-19″.
Në të gjithë vendin janë konstatuar 24 njësi tregtie që nuk kanë zbatuar orarin e mbylljes dhe ndaj administratorëve është marrë masë administrative 100.000 lekë për secilin.
Policia e Shtetit apelon për të gjithë qytetarët që të respektojnë masat kufizuese, të mos lëvizin as në oraret e lejuara pa ndonjë arsye, ndërsa pensionistët nuk lejohen në mënyrë kategorike të dalin nga banesa.
Strukturat e Policisë vijojnë kontrollet dhe monitorimet pa ndërprerë, me qëllim zbatimin e masave në funksion të parandalimit të COVID-19.
