Punonjëset e një fasonerie në Vlorë kanë dalë në protestë ditën e sotme për pagën e luftës.
Të indinjuara, ato janë shprehur se kanë punuar me orar të reduktuar gjatë kësaj periudhe dhe se pagat e tyre nuk u dalin për të përballuar jetesën.
Punonjëset janë ankuar edhe për kushtet e këqija të punës në të cilat kanë punuar gjatë periudhës së rrezikshme të virusit.
“Pa maska, pa doreza, ose i vinim kur vinin kontrolle”, është shprehur njëra nga punonjëset e fasonerisë.
Ato janë interesuar në institucionet përkatëse për përfitimin e pagës së luftës, në të cilat u është pohuar se e përfitojnë.
Nga ana tjetër, ekonomisti dhe administratori i firmës nuk e kanë bërë ende aplikimin e pagës së luftës për punonjëset.
Në fabrikën ku ato punojnë ka rreth 300 punonjës, të cilët deklarojnë se kanë punuar me orare tepër të reduktuara.
