Ilir Alimehmeti mbajti një fjalim të fortë në tubimin e sotëm poshtë shtëpisë së liderit demokrat Sali Berisha, duke adresuar skandalin e fundit në spitalin Onkologjik Tiranë. Ai theksoi se problemi nuk është vetëm çështje e disa mjekëve, por një problem shumë më i madh sistematik.
“Ne e dimë që vetëm 2.7 përqind e GDP shkon për shëndetësinë dhe 60 përqind e shpenzimeve për kujdes shëndetësor paguhen nga vetë qytetarët,” tha Alimehmeti. Ai kritikoi qëndrimet e zyrtarëve të lartë, të cilët shpesh pretendojnë se nuk janë në dijeni të situatës, duke përmendur kryeministrin, kryetarin e Bashkisë Tiranë dhe ministren e Shëndetësisë.
Alimehmeti kërkoi që të pranohet realiteti i rëndë që përballen pacientët me kancer dhe të ndërmerren hapa konkret për përmirësimin e sistemit shëndetësor.
