Deri në këto momente në Itali janë regjistruar 631viktima dhe 10,149 persona janë infektuar nga Coronavirusi.
Situata po rëndohet dita-ditës, teksa mbrëmjen e djeshme kryeministri italian në një konferencë për shtyp ka bërë me dije se vendi fqinj do të jetë i gjithi një karantinë, duke ndaluar çdo lëvizje të italianëve.
Italia në karantinë, ndërpriten udhëtimet dhe fluturimet me shtetin fqinj
Së fundmi, mjeku shqiptar Tritan Kalo ka qenë i ftuar në ‘Tempora’ ku ka folur rreth gjendjes në vendin tonë dhe në Itali, për të cilën tha se mbylli një derë, por hapi shumë dritare.
“Italia ndoqi një shembull të gabuar. Menjëherë ndërpreu lidhet me kinën, pro nuk ndërpreu ardhjet e kinezëve apo udhëtarëve italiane që vinin nga kina nëpërmjet rrugëve të tjera ajrore. Mbylli një derë dhe la të hapura shumë dritare. Duke testuar vend e pa vend, pra jo duke targetuar. Italia testoi pa hesap, nga të cilat shumë pak rezultuan pozitive dhe u ul vigjilenca.”
Më tej, Kalo shtoi se moshat më të prekur nga ky virus janë ata mbi 50 vjeç dhe personat që kanë sëmundje të tjera, teksa bëri thirrje që të zbatohen masat e bëra publike, duke evituar daljet publike.
“Ajo që më habiti, më mori dikush në telefon, më tha: Tek liqeni as për ditë vere nuk ka kaq shumë njerëz. Shkollat nuk u mbyllën që njerëzit të vlonin rrugëve. Është diçka e gabuar, ndërkohë që kërkohet mos frekuentohen shkollat, të evitohet mundësia e kontaktit të ngushtë , ne shtojmë këtë risk me veprimet tona të pandërgjegjshme.”
Në rang global, COVID-19 ka trokitur në 115 shtete duke shënuar 4,346 viktima dhe 118,638 të infektuar deri në këto momente.
Në vendin tonë, janë 10 të infektuar dhe deri tani nuk është raportuar për ndonjë rast të ri, teksa sipas ministres Manastirliu janë testuar 114 persona.
Ju rikujtojmë se nëse keni histori udhëtimi në Itali dhe shfaqni simptoma, të tilla si ethe, temperaturë apo kollë e thatë, telefonin në numrin 127 të vendosur në dispozicion nga Ministria e Shëndetësisë.
