Teksa ndodhemi një muaj para zhvillimit të zgjedhjeve lokale dhe një ditë para nisjes së fushatës zgjedhore të 14 majit, një mesazh ka ardhur nga OSBE. OSBE shprehet se ka ende shumë punë të bërë dhe se presin presim që të zhvillohet një fushatë paqësore dhe të hapur ku konkurrimi politik të jetë konstruktiv dhe në zbatim të ligjit. Po ashtu theksohet se fushata duhet t’u përmbahet standardeve ndërkombëtare dhe rekomandimeve të ODIHR-it.
“Fushata zgjedhore për zgjedhjet vendore të 14 majit fillon nesër! Një hap i rëndësishëm drejt forcimit dhe konsolidimit të demokracisë në Shqipëri në nivel vendor – shumë punë mbetet për t’u bërë dhe ne jemi të gatshëm të punojmë me ju edhe pas 14 majit. Ndërkohë presim që të zhvillohet një fushatë paqësore dhe e hapur ku konkurrimi politik të jetë sa më konstruktiv, në zbatim të legjislacionit shqiptar, standardeve ndërkombëtare dhe rekomandimet e OSBE/ODIHR-it. Suksese të gjithë kandidatëve dhe qytetarëve!”, thuhet në reagimin e plotë.
Theksojmë gjithashtu se ditën e sotme është hedhur shorti në Komisionin Qëndror të Zgjedhjeve (KQZ) për renditjen e partive politike në fletën e votimit për zgjedhjet e ’14 Majit’. Sipas shortit, numri 1 do t’i përkasë koalicionit “Bashkë Fitojmë”, numri 2 Partisë Socialiste dhe numri 3 Partisë Agrare Ambientaliste. Partia Demokratike e përfaqësuar nga deputeti i PD-së, Enkelejd Alibeajt, e cila garon në 57 bashki për këshillat bashkiakë, do të renditet e 9-ta në listë.
