Avokati Spartak Ngjela ka deklaruar se brenda 10 ditësh pritet që trajnuesit dhe disa anëtarë të Byrosë Kombëtare të Hetimit (BKH) të vijnë Amerika për të nisur hetimin e politikanëve të nivelit të lartë për korrupsion dhe shpërdorim detyre.
I ftuar në një emision televiziv, Ngjela tha ndër te tjera se këmbanat do të bien së shpejti dhe se ‘peshqit e mëdhenj’ janë kapur por vetëm pritet ardhja e stafit të BKH-së nga SHBA që të nisin hetimet.
Sipas avokat Ngjelës, BKH do të vinte që në muajin prill por u shty nga pandemia dhe tani pritet të mbërrijë në Tiranë brenda 10 ditëve.
“Janë kapur “peshqit e mëdhenj”, por BKH është në Amerikë akoma. Ata duhet të kishin ardhur në prill, por ra pandemia. Tani do të vijnë pas 10 ditësh dhe do t’i shohësh kambanat që do të bien. Të gjithë krerët e dy partive të mëdha janë të kapur. Nuk mund të flasim për kryeministrin, sepse janë shumë të rezervuar të flasin ndërkombëtarët, kurse për ministrat e tij kanë folur ndërkombëtarët. Madje Rama më tha që më kap katër ministra”, u shpreh avokati.
Sa të besueshme janë këto që thoni?
Ngjela: Unë s’kam burime, por jam i vëmendshëm. Njoh mirë ligjet dhe shoh impenjimin e madh të ambasadores amerikane. Ajo ka folur tre herë rresht për BKH. Ata do jenë nën hetim, sepse kanë vjedhur. Ata kanë vila, pallate. Do ikin të tërë ata që kanë vjedhur shtetin. Dhe jo vetëm ikin të tërë, por do të shpëtoni tërë nga këta. Unë jam i shpëtuar, se nuk çaj kokë nga njeri. Mua s’më vjedh dot njeri, popullin e vjedhin përditë.
