Një ngjarje e pazakontë dhe aspak normale ka ndodhur ditën e sotme.
AbcNews ka mësuar se ditën e sotme kanë humbur jetën dy persona në Peqin dhe se një të moshuari i është marrë tamponi i koronavirusit pasi ka vdekur dhe tamponi ka rezultuar pozitiv.
Në 24 orët e fundit Ministria e Shëndetësisë raportoi për 4 raste të reja në Peqin, dhe mes tyre ishte dhe një 42-vjeçar punonjës i burgut të qytetit i cili është vetëkarantinuar menjëherë sapo ka marrë lajmin se është pozitiv.
Më herët 10 punonjës të burgut të Peqinit, mes tyre edhe shefi i regjimit të Brendshëm kanë rezultuar pozitiv me Covid19.
Ndërkohë kujtojmë se në njoftimin e përditshëm të situatës së pandemisë në vend, Ministria e Shëndetësisë raportoi për 178 raste të reja me Covid-19, rekordi më i ri që nga fillimi i pandemisë. Fatkeqësisht nuk e kanë fituar dot betejën me sëmundjen një 57 vjeçar dhe një 75 vjeçar nga Tirana, një 72 vjeçar nga Durrësi dhe një 88 vjeçar nga Kruja, me sëmundje bashkëshoqëruese.
