Pasditen e djeshme në Devoll ka ndodhur një plagosje e rëndë, teksa zanafilla ka qenë një lojë me letra dhe alkoli. Ngjarja fillimisht u raportua si aksidentale, por nga të dhënat e mbledhur nga policia, dyshohet se ishte një tentavivë me dashje.
Autori, Vasil Babinis është konfliktuar me të moshuarin ditën e djeshme dhe e ka goditur me sëpatë pas kokës, të dy në gjendje të dehur.
Fillimisht 73-vjecari ka shkuar në spital për të marrë ndihmë mjekësore, ku është se është rrëzuar nga oborri, por mjekët dyshuan për tjetër pistë pasi plagët ishin më të mëdha. Ndërkohë që aktualisht autori është arrestuar dhe viktima është dërguar për të marrë një specializim më të madh mjekësor në Tiranë.
Njoftimi i policisë:
Zbardhet ngjarja e ndodhur pasditen e djeshme, në fshatin Menkulas, ku një shtetas tentoi të vriste me mjet të fortë (sëpatë), një 73-vjeçar.
Falë veprimeve hetimore të Policisë u identifikua dhe u vu në pranga autori i dyshuar i ngjarjes, e cila fillimisht u raportua si ngjarje aksidentale.
Shërbimet e Komisariatit të Policisë Devoll, pasditen e djeshme, pas marrjes së njoftimit se në spitalin e Bilishtit, kishte shkuar për ndihmë mjekësore një shtetas i dëmtuar në kokë, menjëherë kanë shkuar në spital, me qëllim verifikimin e rastit. Shtetasi i dëmtuar V. B., 73 vjeç, banues në fshatin Menkulas, Devoll, ka deklaruar fillimisht përpara oficerit të policisë gjyqësore se ishte rrëzuar aksidentalisht, në oborrin e banesës së tij.
Falë hetimeve të thelluara, në kuadër të operacionit policor të koduar “Menkulas”, u bë e mundur zbardhja e rrethanave të kësaj ngjarjeje. Nga provat e siguruara nga hetimi rezultoi se shtetasi V. B., 62 vjeç, banues në Bilisht, Devoll, për motive të dobëta, kishte goditur me mjet të fortë (sëpatë), në kokë, 73-vjeçarin, i cili do të transportohet nga spitali i Korçës në Spitalin e Traumës Tiranë, për mjekim të specializuar.
Në vijim të veprimeve procedurale, specialistët për Hetimin e Krimeve të Komisariatit të Policisë Devoll arrestuan në flagrancë shtetasin V. B., 62 vjeç, banues në Bilisht, Devoll, për veprën penale “Vrasja me dashje”, mbetur në tentativë. Materialet i kaluan Prokurorisë pranë Gjykatës së Rrethit Gjyqësor Korçë, për veprime të mëtejshme.
