Varianti i ri i Covid-19, i quajtur “Omicron” ka alarmuar tashmë botën.
Ndërkohë Norvegjia e ka filluar “aksionin” kundër “Omicron” duke marrë masa konkrete për frenimin e përhapjes së tij. Një nga masat për të parandaluar përhapjen e “Omicron” në Norvegji është ndalimi i shërbimit të alkolit në bare dhe restorante.
Gjithashtu në Norvegji do të vendosin rregulla më të rrepta në shkolla, në mënyrë që të përshpejtojnë programin e vaksinimit.
Kryeministri Jonas Gahr Stoere tha se situata është serioze dhe se infeksionet po përhapen shumë shpejt.
“Ne duhet të marrim masa për të kufizuar zhvillimin e mëtejshëm… Omicron ka ndryshuar rregullat,” tha ai.
Në Norvegji, janë vendosur rekorde si për numrin e infeksioneve të reja me COVID-19, ashtu edhe për numrin e shtrimeve në spital, pjesërisht për shkak të përhapjes së variantit omicron.
Në një vlerësim të rrezikut të lëshuar sot, Instituti Norvegjez i Shëndetit Publik (FHI) rekomandoi që qeveria të marrë masat e nevojshme shpejt.
“Kjo situatë na shqetëson më shumë se më parë. Nëse nuk veprojmë tani, mund të ketë pasoja negative për shoqërinë, jo vetëm për shërbimet shëndetësore dhe komunitetet lokale. Nëse nuk marrim masa efektive, rrezikojmë të kemi nga 90.000 deri në 300.000 raste të reja me COVID në ditë që nga janari”, tha FHI.
