Shtatori është një muaj shumë i rëndësishëm për Shqipërinë, pasi Bundestagu do të vendosë, nëse do t’i japë apo jo dritën jeshile çeljes së negociatave me Shqipërinë dhe Maqedoninë e Veriut.
Deputetët gjermanë kanë përcaktuar datën 26 shtator për verdiktin final, shkruan “Shqiptarja.com”.
Propozimi është bërë nga grupimet parlamentare të CDU dhe SPD.
Diskutimet do të nisin ditën e nesërme dhe pritet që të zgjasin 40 minuta.
Vendimi i Berlinit zyrtar do të bëhet publik nga kancelarja gjermane, Angela Merkel, gjatë samitit të 18 tetorit në Bruksel.
Gjermania dhe Holanda, janë dy vendet që vendosin në parlament dhe jo në qeveri, për nisjen e bisedimeve me Shqipërinë dhe Maqedoninë e Veriut.
Social demokratët e gjermanisë (SPD), kanë premtuar mbështetjen e tyre edhe më herët, ndërkohë duhet bindur koalicioni qeverisës CDU/CSU.
