Teatri Kombëtar është shembur në orët e para të mëngjesit të sotëm, ku ngjarja është pasuar me protesta të shumta, shoqërime në polici dhe akte dhune ndaj qytetarëve protestues.
Në shenjë solidariteti për prishjen e teatrit, 10 teatro në Kosovë kanë anuluar shfaqjet e tyre.
Lajmi është bëri i ditur nga Teatri Kombëtar i Kosovë, me anë të një postimi në Facebook ku shkruan se kanë anuluar shfaqjet e tyre.
“Në shenjë solidarizimi kundër shembjes së godinës së Teatrit Kombëtar në Tiranë, Teatri Kombëtar i Kosovës, Teatri i Gjilanit, Teatri “Hadi Shehu” – Gjakovë” , Teatri “Bekim Fehmiu” Prizren, Teatri “Adriana” – Ferizaj”, Teatri “Muharrem Qena” – Mitrovicë, Qendra Multimedia”, “Teatri Oda”, Teatri “Urban”, “Etno Teatri – Kukaj”, anulojmë shfaqjen “Skenderbeu ose dashuri dhe liri”, e cila ka qenë e planifikuar në kudër të kalendarit online / livestream.
Teatri ka ekzistuar para nesh dhe do të ekzistojë përjetësisht!”, shkruhet në njoftim.
Lajmi për prishjen e Teatrit Kombëtar u bë bujë edhe në mediat ndërkombëtare si Associated Press.
Kjo e fundit është shprehur në artikullin e saj se në Shqipëri fjala e presidentit nuk po dëgjohet, pupulli, artistët dhe qytetarët po dhunohen për kauzën që e kanë mbrojtur për gati dy vjet.
