Merkatoja e verës duket se do jetë plot me ndryshime dhe të papritura nga ekipet më të mëdhaja tê 5 Ligave kryesore Europiane. Një ndêr to është edhe Barcelona e cila është e vendosur të sjellë një sulmues këtë verë, gjë që ka bërë që emri i Lautaro Martinez të rishfaqet si një opsion i mundshëm. Klubi katalanas ishte i lidhur fort me një lëvizje për sulmuesin e Inter verën e kaluar, por ata nuk pranuan të paguanin klauzolën e lirimit të argjentinasit prej 111 milion euro.
RAC1 raporton se ndërsa sulmuesi i Borussia Dortmund Erling Haaland mbetet përparësia e Barcelonës, Lautaro është edhe një herë në listën e tyre të ngushtë ndërsa Blaugrana kërkon të mbushë hapësirën boshe që la Luis Suarez në XI të tyre.
Një pjesë e arsyes që Barcelona nuk ishte në gjendje të nënshkruajë Lautaro verën e kaluar ishte për faktin se ata kishin pak ose aspak para në dispozicion, megjithatë Interi gjithashtu ka probleme financiare të tyre. Si rezultat, RAC1 pretendon që një marrëveshje shkëmbimi midis Barcelonës dhe Interit mund të ndodhë duke përfshirë 23-vjeçarin dhe disa anëtarë të skuadrës së Ronald Koeman.
Deri më tani këtë sezon, Lautaro ka shënuar 16 gola në 37 ndeshje në të gjitha garat për Nerazzurrët.
