Policia ka arrestuar mëngjesin e sotëm, dy prej personave më aktiv të protestave në zonën e Astirit.
Sipas “Faxweb, të arrestuarit janë Ilir Katiraj dhe Gramoz Shehu.
Ndërkohë në komisariat është shoqëruar edhe Skënder Doda, pronari i lokalit ku ndodheshin dy banorët.
Mësohet se Gramozi ka qenë duke pirë kafen e mëngjesit dhe do të ikte në punë.
Ndërsa Ilir Katiraj është personi që qëlloi Ramën me këpucë te spitali i Traumës.
Banorët bëjnë me dije se do të fillojnë protestat për një orë.
Ato çdo pasdite, bllokojnë rrugën në shenjë proteste, kundër prishjes së shtëpive të tyre.
Mirëpo ditën e djeshme, ndryshimet e fundit në kodin penal hynë në fuqi dhe bllokimi i rrugës përbën vepër penale, që dënohet nga gjobë deri në burgim.
