Gjykata Kushtetuese ka sqaruar vendimin për ish-kryeministrin Sali Berisha, duke theksuar se ndalimi i tij nga SPAK ishte në përputhje me ligjin dhe nuk kërkonte autorizim nga Kuvendi.
Vendimi i Gjykatës u përqendrua në dy masa të sigurisë: “detyrim paraqitje” dhe “ndalim i daljes jashtë shtetit”, ndërsa masa “arrest në shtëpi” do të shqyrtohet më vonë në një seancë tjetër, e regjistruar në 18.11.2024.
Gjykata vlerësoi se për këto dy masa, prokuroria nuk kishte nevojë për autorizim nga Kuvendi, pasi ato nuk cenonin imunitetin procedural të deputetëve, siç e garanton neni 73/2 i Kushtetutës.
Gjykata e interpretoi këtë neni si një mbrojtje të përkohshme për deputetët, që ka të bëjë vetëm me lirinë personale dhe jo me lirinë e lëvizjes, duke pranuar se ndalimi i daljes jashtë shtetit nuk kërkonte miratimin e Kuvendit.
Ndërkohë, gjykata shfuqizoi masën “ndalim i daljes jashtë shtetit”, duke e konsideruar atë të pamotivuar dhe të paarsyeshëm në këtë rast, pasi qëllimet e saj mund të realizoheshin me masën e sigurisë “detyrim për t’u paraqitur në policinë gjyqësore”. Gjykata theksoi se masa e dytë ishte proporcionale dhe nuk pengonte ushtrimin e funksioneve legjislative të deputetit.
Në përfundim, vendimi i Kushtetueses pranoi pjesshëm kërkesën e Berishës, duke shfuqizuar vetëm masën për ndalimin e daljes jashtë shtetit dhe duke lënë në fuqi masën e detyrimit për paraqitje.
