Është miratuar me 97 vota pro ditën e sotme në Kuvend Kuvendi marrëveshja e 5 qershorit e cila është dakordësuar në Këshillin Politik.
Nga këto vota 74 ishin nga mazhoranca dhe 23 nga grupet parlamentare të opozitës brenda Kuvendit. Ndërkohë vetëm 6 deputetë votuan kundër saj, dhe 6 të tjerë nuk morën pjesë në votim dhe 4 ishin abstenim.
Marrëveshja e 5 qershorit ka të bëjë me ndryshimet në Kodin Zgjedhor nga amendamentet e dakordësuara pikërisht nga puna disa mujore në Këshillin Politik mes PS, opozitës parlamentare dhe PD- LSI dhe ndërmjetësimit të ndërkombëtarëve.
Ndërkohë tani pritet që me 30 korrik Kuvendi të miratojë marrëveshjen mes PS- opozitës parlamentare për Listat e Hapura dhe ndalimin e koalicioneve si dhe për pragun e ri zgjedhor.
Ja çfarë përfshin marrëveshja e 5 qershorit:
1. Identifikimi elektronik. Palët zotohen të mbështesin implementimin e identifikimit elektronik të 100% të votuesve në zgjedhjet e ardhshme, nëse është teknikisht i arritshëm.
2.KQZ do të ristrukturohet dhe do të ketë një zv. komisioner që do të drejtojë përcaktimin e mundësisë për identifikimin biometrik të votuesve.
3.Struktura e KQZ do të përbëhet nga pesë anëtarët e rregullt, apeli nga pesë anëtarë, një zyrtar ekzekutiv dhe një zv. ekzekutiv.
4.Grupet e numërimit: Dy grupe zyrtarësh jo-politikë, një prej të cilëve numëron dhe tjetri asiston dhe ndërrojnë rolet me çdo kuti votimi.
5.Qendrat e votimit: Dy anëtarë të komisionit me të drejta të kufizuara për monitorim dhe kontestim te drejte nga pushteti dhe opozita, dhe tre te emëruar me lotari nga KQZ, e cila do të veprojë si kryetare në marrjen e vendimeve. Dy të tjerë do të shërbejnë si asistente, pa të drejtë vote.
6.ZEZ do të jetë e njëjta, nuk do të ndryshojë
7.Kolegji elektoral do të zgjidhet nga gjykatësit që kanë kaluar procesin e vetingut.
8.Procesi i Apelit: mbetet i pandryshuar
9.Depolitizimi: Nuk do të ketë ndryshime në adminsitratën elektorale për zgjedhjet e ardhshme (parlamentare e lokale)
10. Masa shtesë: Këshilli Politik do të vazhdojë të diskutojë me mirëbesim për të arritur zgjhdhje të pranueshme dhe rekomandimet e ODIHR
