Në gjithë morinë e lajmeve kontradiktore për mbajtjen ose jo të maskave anti-Covid, në të cilën është përfshirë jo vetëm vendi ynë por e gjithë bota, vijnë të reja nga më të fundit.
Sipas ekspertëve që studiojnë bakteret, qytetarët duhet që të përdorin maska me tre shtresa, pasi ato janë më të sigurta dhe më efikase.
Drejtori i grupit mjëkësor “Avivo Health”, Atul Aundhecar, është shprehur se maskat që përdoren për të parandaluar Covid-19, duhet të ndërrohen të paktën çdo 2 orë.
Në një deklaratë për mediat ai ka thënë se, qytetarët duhet që të përdorin maska me tre shtresa pasi ato janë më të sigurta dhe më efikase.
Ai gjithashtu tha se, maskat me tre shtresa ndihmojnë më shumë në parandalimin e shumë infeksioneve por theksoi se, maskat duhet të ndërrohen shumë herë në ditë, pasi ato janë një grumbullues shumë i mirë i mikrobeve në pjesën e brendshme të saj.
“Nëse një person që mban një maskë për një kohë relativisht të gjatë, mund të marrë infeksione të tjera.
Rekomandohet që njerëzit të përdorin maska të disponueshme me tre shtresa që mund të ndryshohen çdo dy orë për të parandaluar shumë infeksione.
Mikrobet janë të pranishme si në pjesën e brendshme të maskës, ashtu edhe në sipërfaqen e jashtme dhe brenda disa orësh, mund të pritet një grumbullim i tyre.
Dikush mund të masë në mënyrë të ngjashme koloninë e baktereve që grumbullohen për një pjesë të rrobave. Testet kanë zbuluar se brenda një ore, grumbullimi është 1×10 i ngritur në fuqinë e pesë”,- tha ai.
Përdorimi i maskave është bërë i detyrueshëm pothuajse në të gjithë botën për të parandaluar përhapjen e infektimit me Covid-19.
/Burimi: BBC/ Përktheu: GazetaReforma.com/
