Presidenti i Shqipërisë Ilir Meta ka marrë pjesë ditën e sotme në samitin e SEECP në Sarajevë. Ai ka shprehur keqardhjen e tij për mospjesëmarrjen e Kosovës në këtë samit, pasi ajo është një shtet sovran dhe duhet të trajtohet me respekt.
“Tani është koha e duhur, që jo vetëm Bosnja dhe Hercegovina, që duhet të kishte bërë të gjitha përpjekjet për të garantuar pjesëmarrjen e Kosovës në këtë Samit, por edhe çdo vend tjetër të bëjë përpara në drejtim të njohjes dhe pranimit të këtij realiteti.
Republika e Kosovës është shtet i pavarur e sovran dhe duhet të trajtohet me respekt, para së gjithash nga vetë fqinjët e saj.”, tha Meta ndër të tjera.
Pas këtij fjalimi, ajo që reagoi ishte kryeministrja e Serbisë, Ana Brnabiç e cila i është përgjigjur me ironi presidentit Meta.
“Në këtë tryezë ka disa vende që nuk e njohin Kosovën, – tha ajo, dhe unë sugjeroj që të mos ketë përplasje për këtë çështje mes shteteve të tjera.
Më vjen keq që përfaqësuesit e institucioneve të përkohshme të Prishtinë nuk janë këtu. Kjo tregon se çfarë bashkëpunimi dëshiron Prishtina”, u shpreh Brnabiç.
