Kryeministrja italiane Giorgia Meloni ka riafirmuar qëndrimin e saj mbi trajtimin e azilkërkuesve në kampin e Gjadrit.
E ftuar në emisionin “Quarta Repubblica”, Meloni theksoi se ka një zgjidhje dhe po punohet për këtë çështje.
“Qendrat në Shqipëri do të funksionojnë. Nuk jap premtime që nuk besoj se mund t’i përmbush,” u shpreh Meloni, duke iu përgjigjur gazetarit me bindjen se ka një plan të qartë. “Jam duke punuar për këtë,” përfundoi ajo gjatë intervistës në “Quarta Repubblica” në Rete 4.
Është një ndryshim total në menaxhimin e flukseve migratore. Prandaj pritet vendimi nga Gjykata Supreme dhe Gjykata e Drejtësisë e BE-së. Në çdo rast jam duke punuar edhe për zgjidhje të tjera dhe në fund do të funksionojë”, tha ajo.
Plani i Qeverisë Italiane për trajtimin e azilantëve në kampin e Gjadrit në vendin tonë po has në pengesa, pasi në dy raste Gjykata e Romës ka urdhëruar kthimin mbrapsht të emigrantëve që u sollën me anije në portin e Shëngjinit.
