Vrasja e Ardian Nikulajt ka tërhequr vëmendje edhe në shtetin fqinj. ‘Protothema‘ shkruan për vrasjen e biznesmenit dhe kandidatit të këshillit bashkiak të Lezhës. Duke e cilësuar autorin si “delivery” (shpërndarësi) me maskë, ato shkruajnë se autori afrohet papritur dhe e qëllon viktimën me 7 plumba. Ato kanë publikuar momentin e plotë të vrasjes së Nikulajt, ku në sfond dëgjohen gratë që qajnë dhe thonë: O kuku!
“Hetimet e autoriteteve në Shqipëri për identifikimin e veprimeve dhe motiveve që çuan në ekzekutimin e Nikollait janë në hetim të plotë. Diferencat politike janë një skenar, pasi në vitin 2021, biznesmeni ishte kandidat për deputet nën siglën e Partisë Socialdemokrate. Prej vitit 2019 është anëtar i Këshillit Bashkiak në Lezë dhe kandidon sërish për këshilltar në zgjedhjet e ardhshme të 14 majit.
Një tjetër skenar është ai i hakmarrjes, pasi vetë Nikolai kishte vrarë një anëtar të familjes në vitin 2000 dhe vrasja e tij mund të jetë një akt hakmarrjeje. Njëkohësisht po shqyrtohet versioni i mosmarrëveshjeve biznesore dhe për këtë policia po mbledh të dhëna nga e kaluara e biznesmenit për të forcuar hetimet.”– thuhet në mediat greke
Kujtojmë se autori, siç u pa nga pamjet, mban një maskë, skafandër, jelek fosforeshent dhe i kamufluar me veshje të trasha. Ai futet në lokal, qëllon me armë Nikulajn dhe pasi kryen vrasjen me pistoletë në një distancë shumë të afërt largohet qetësisht me motor nga vendngjarja. Viktima rezulton i arrestuar më herët për armëmbajtje pa leje dhe kontrabandë e falsifikim, ndërkohë që pista ku po hetohet është ajo e gjakmarrjes. Kjo pasi Nikulajt i është vrarë një vëlla nga pjesëtarë të fisit Balaj. Kjo ngjarje është pasuar në dy të vrarë nga familja Balaj dhe për asnjërën nga ngjarjet nuk ka pasur të arrestuar. Nuk përjashtohen konfliktet për bizneset apo politikën.
