Gjykata e Durrësit ka vendosur masën e sigurisë ‘arrest në burg’ për Majlind Habibin, 35-vjeçarin që vrau shokun e tij, Branko Shkoza, duke e hedhur në një kanal dhe fshehur ngjarjen.
Gjatë seancës gjyqësore, Habibi ka mohuar akuzat, duke deklaruar se e pranoi autorësinë e krimit pas dhunës fizike në polici.
Ai ka shtuar se nuk e ka kryer vetë krimin, por dikush tjetër mund të ketë manipuluar për ta hedhur përgjegjësinë mbi të. Sipas hetimeve, Habibi dyshohet se ka shtyrë Shkozan në kanal për arsye të pasqaruara dhe ka fshehur ngjarjen. Trupi i viktimës u gjet pas disa ditësh kërkimesh intensive nga Policia e Durrësit.
