Disa ditë më parë Ministria e Arsimit vendosi që për shkak të temperaturave të ulëta atmosferike të ndërpresë procesin mësimor për 3 ditë në javën që vjen.
Ndërkohë që ditën e sotme Ministrja e Arsimit Evis Kushi, ka dhënë nëj tjetrër njoftim për prindërit.
Nëpërmjet një statusi në ‘Facebook’, Kushi bën me dije se vendim të Këshillit të Ministrave njëri nga prindërit me fëmijë të mitur lejohet të qëndrojë në shtëpi pa pasoja administrative dhe financiare.
INFORMIM PËR PRINDËRIT
Nisur nga vendimi i fundit për ndërprerjen e procesit mësimor nga data 24 – 26 janar për shkak të kushteve të vështira atmosferike, nisur edhe nga eksperiencat e mëparshme ku me vendim të Këshillit të Ministrave njëri nga prindërit me fëmijë të mitur lejohet të qëndrojë në shtëpi pa pasoja administrative dhe financiare, i njëjti vendim do të aplikohet përsëri edhe gjatë javës së ardhshme.
Ju uroj të dielë të qetë!
Kujtojmë që para 3 ditësh u dha njoftimi se të gjitha shkollat në Shqipëri, duke filluar nga dita e hënë deri të mërkurën e javës së ardhshme.
Lajmi bëhet i ditur nga ministrja e Arsimit, Evis Kushi, e cila thekson se ky vendim i rëndësishëm është marrë, për shkak se “në ditët në vijim priten temperatura tepër të ulëta, të cilat janë temperatura të jashtëzakonshme për një vend si i yni. Madje në disa zona do të arrijë deri në – 17 gradë celsius”.
Në një postim në “Facebook”, ministrja Kushi sqaron se orët e humbura do të zëvendësohen në vijim pas një njoftimi të dytë në bashkëpunim me zyrat vendore arsimore.
