Mbledhja e Komisionit të Ekonomisë, ka bërë që deputetët e opozitës të paraqiten fizikisht në sallë. Deputetët e opozitës ditën e sotme kanë qenë të pranishëm fizikisht në Komisionin e Ekonomisë, pavarësisht se Partia Socialiste, një javë më parë duke iu referuar vendimit të mbledhjes së kryesisë së kryetareve i ka vijuar këto mbledhje në mënyrë “online”.
Në një prononcim për mediat, kryetari i grupit parlamentar të Partisë Socialiste, Taulant Balla, tha se do të diskutojnë sërish në kryesinë e kryetarëve për t’i vijuar mbledhjet e komisioneve në ambientet fizike. Një deklaratë e tillë u mirëprit nga kryetari i grupit parlamentar të Partisë Demokratike, Alfred Rushaj, i cili deklaroi para mediave se mazhoranca u ndërgjegjësua ndaj një vendimi sipas tij, anti-kushtetues. Kujtojmë se kreu i grupit parlamentar të Partisë Socialiste, Taulant Balla ka thënë javën e shkuar se mbledhjet e Komisioneve Parlamentare mund të kthehen fizikisht.
Balla ka thënë se jo të gjithë deputetët i kanë kryer të dyja dozat e vaksinës. Taulant Balla, gjithashtu, i ka bërë thirrje Partisë Demokratike që të kryejnë të dyja dozat e vaksinës covid-19, dhe javën tjetër konferenca e kryetarëve do të japë dritën jeshile që pjesëmarrja të jetë fizikisht, ku më në fund mbledhjet u kthyen online, për të vazhduar normalitetin.
