Vala e dytë e infektimeve me Covid-19 e ka mbërthyer sërish Italinë duke shënuar shifra të larta çdo ditë.
Autoritetet shëndetësore italiane kanë njoftuar se në 24 orët e fundit janë kryer 217.758 tamponë dhe kanë rezultuar pozitiv me Covid-19, 35.098 persona dhe 7813 raste më shumë se një ditë më parë.
Ndërkohë kanë humbur jetën 580 njerëz duke e çuar në 42.330 numrin total të jetëve të humbura që nga fillimi i pandemisë.
Rajoni më i nxehtë mbetet Lombardia me 10.955 raste të reja, Piemonte 3659 dhe më pas Veneto me 2763 raste pozitive.
Në Itali numri total i të infektuarve me Covid-19 që nga fillimi i pandemisë ka arritur në 995.463.
Ndërkohë kujtojmë se në Itali janë rikthyer masat kufizuese për të parandaluar përhpajen e mëtejshme të virusit.
