Policia e Tiranës ka zbuluar një tjetër call-center të paligjshëm, ku disa persona mashtronin shtetas të huaj duke i manipuluar për të investuar në bursa fiktive përmes telefonit.
Njoftimi:
Në kuadër të operacionit të koduar “Location 1” u vunë në pranga 6 shtetas si dhe u procedua 1 tjetër.
Si rezultat i këtij operacioni u bë arrestimi në flagrancë i shtetasve: A. K., 25 vjeç, S. S., 26 vjeç, S. M., 22 vjeç, E. H., 30 vjeç, B. I., 25 vjeç dhe S. Ll., 29 vjeç, të 6 banues në Tiranë si dhe u procedua penalisht shtetasi M. D., 20 vjeç.
Këta shtetas gjatë ndërhyrjes nga shërbimet e Policisë, janë kapur në flagrancë gjatë kohës që mashtronin shtetas të huaj, për të investuar në bursë fiktive me qëllim për të rimarrë paratë që këta kishin humbur më parë po me të njëjtën mënyrë mashtrimi. Këtë aktivitet e ushtronin në ambientin e përshtatur si call-center në rrugën “Dritan Hoxha”.
