Prej disa ditësh vazhdon lufta mes Palestinës dhe Izraelit ku janë shënuar me mijëra viktima.
Ndërkohë që udhëheqësi i Ianit , Ayatollah Ali Khamenei është shprehur falenderues ndaj atyre që e nisën fillimisht këtë sulm, pra ndaj Palestinës
Ai ka mbajtur sot fjalimin e tij të parë që nga nisja e sulmeve vdekjeprurëse mes Izraelit dhe Hamasit, e shtunë 7 Tetor. Ai mohon përfshirjen iraniane në sulmet vdekjeprurëse të nisura nga Hamasi të shtunën, ndërsa fajëson Izraelin për vrasjet masive të Hamasit.
“Ky tërmet shkatërrues ka shkatërruar disa struktura kritike në Izrael të cilat nuk do të riparohen lehtë. Veprimet e regjimit sionist janë fajtorë për këtë fatkeqësi,” tha Ayatollah Ali Khamenei.
“Ne puthim duart e atyre që planifikuan sulmin ndaj regjimit sionist”, tha udhëheqësi iranian sipas Reuters. Kujtojmë se Irani njihet gjerësisht si një ndër financuesit dhe furnizuesit me armë të militantëve të Hamasit.
Irani mbështet prej kohësh grupin e Hamasit, i cili kontrollon Rripin e Gazës dhe refuzon të drejtën e Izraelit për të ekzistuar. Ndërkohë, Izraeli tha sot se ka rivendosur kontrollin mbi kufirin e Gazës.
