Nuk ka ndryshime të adresave të qendrave të votimit të qytetarëve, deklaroi ministri i Lleshaj në parlament. Po ju japim adresë atyre që nuk kanë patur një të tillë dhe kanë ardhur në zonat informale, tha Lleshaj.
“I kam dëgjuar me përbuzje aludimet e papërgjegjshme që kanë krijuar tym të panevojshëm në përpjekje për të krijuar alibitë e radhës nga ata që përgatiten për të humbur, kam deklaruar dhe po e them se asnjë ndryshim në listat e zgjedhjeve nuk mund të bëhet pa vullnetin e qytetari, qytetarët shqiptarë në harkun e 3 dekadave kanë humbur adresat e tyre, janë shpërngulur në zona informale dhe kanë përfunduar dhe pa një adresë të saktë dhe shumë nuk kanë një adresë dhe për këtë po punohet për të përditësuar dhe për t’iu dhënë atyre një adresë”.
Ministri tha se shumë banorë kanë dy lloje adresash, një elektorale dhe një të vendbanimit. Ne po rregullojmë këtë të dytën, tha Lleshaj.
“Shumë e kanë adresën vetëm Tiranë, adresa elektorale dhe e vendbanimit nuk kanë lidhje me njëra tjetrën. Në po rregullojmë këtë të fundit, sfidoj cilido që pretendon se ka ndryshime në adresat elektorale dhe shikoni që adresat e QV është ajo që ka qenë dhe nuk mund të ndryshojë pa kërkesën e qytetarit dhe pa paraqitur dokumente. Merrni një emër me mbiemër dhe hajde ta verifikojmë online në sy të Shqipërisë dhe ta shikojmë”, deklaroi Lleshaj.
/GazetaReforma.com/
