Ka mbërritur në Shqipëri dosja e përgjimeve të “Ndraghetas” me zyrtarë të lartë të qeverisë shqiptare. Mësohet se prokuroria e antimafias i ka vënë në dispozicion të gjithë materialin e kërkuar nga SPAK. Pak ditë më parë Prokuroria e Posaçme ka nisur hetimet lidhur me këtë ngjarje.
Fax news bën me dije se për momentin dosja voluminoze është përcjellë në Ministrinë e Drejtësisë së bashku me informacionet e tjera dhe është duke u përkthyer.
Akuzat që janë ngritur nga SPAK janë katër, ndër to edhe akuza e ”korrupsionit në radhët e funksionarëve publikë”. Prokurorët janë ende duek kërkuar prova të tjera që vërtetojnë lidhjen mes krerëve të organizatës mafioze italiane me zytarë shqiptarë për tendera dhe favorizime në ndërtime kullash në kryeqytet. Ditën e djeshme prokurorët e SPAK kanë pasur edhe një takim me prokurorët italianë pas fillimit të hetimeve për çështjen.
Nuk janë bërë të ditura detaje për takimin në fjalë, por mësohet se prokurorët shqiptarë kanë kërkuar më shumë informacione për personat që janë përfshirë në hetime nga pala italiane.
Pas verifiktimit të materialeve do të vendoset nëse do të ketë emra të proceduar lidhur me katwr akuzat që janë ngritur nga prokuroria e Posaçme Kundër Krimit dhe Korrupsionit të Organizuar.
