Lëkundje tërmeti janë ndjerë mbrëmjen e në qytetin e Vlorës. Një tërmet me magnitudë 3.9 i shkallës Rihter e ka pasur epiqendrën në fshatin Dukat i Ri, me thellësi 5 km, sipas të dhënave nga EMSC (Qendra Sismeologjike per Mesdheun dhe Europen). Raportohet se lëkundjet janë ndjerë shumë dhe kanë shkaktuar panik te qytetarët. Ndër të tjera mësohet se lëkundjet janë ndjerë deri në Tepelenë e po ashtu në pjesë të tjera në jug të vendit. Deri tani nuk raportohet për dëme materiale.
Kujtojmë se vendi ynë u godit nga një tërmet i fortë në orët e para të mëngjesit në 26 nëntor të vitit 2019 dhe ende njerëzit nuk e kanë harruar panikun që kanë përjetuar.
Si pasojë e tërmetit tragjik të 26 nëntorit humbën jetën 51 persona dhe u plagosën më shumë se një mijë të tjerë. Dy zonat që u prekën më shumë ishin Durrësi e Thumana, ku pati edhe më shumë viktima e ndërtesa të shkatërruara. Lëkundjet u ndjenë po ashtu në qytete të tjera e në kryeqytet. Tërmeti i fuqishëm i shkallës 6.4 që u ndje në orët e para të mëngjesit la shumë persona të pastrehë dhe me procesin e rindërtimit ende në vazhdim, shumë prej tyre janë ende pa një shtëpi.
