Ditën e sotme bilanci i COVID-19 në vendin tonë ka shkuar në 146 të prekur, nga të cilët 17 janë shëruar, teksa janë regjistruar 5 viktima.
Ministria e Shëndetësisë bëri me dije se gjatë 24 orëve të fundit janë kryer 111 teste, nga të cilët 23 rezultuan pozitiv dhe në repartin e Infektivit janë shtruar 72 persona, ku 4 janë në gjendje të rëndë, 3 prej të cilëve ndodhen në intubim.
Së fundmi, Faxweb bën me dije se një helikopter I Urgjencës ka mbërritur në pistën që ndodhet në oborrin e Spitalit Infektiv në Tiranë, ndërsa një autoambulancë është afruar pranë tij për të marrë një person dhe për ta transportuar atë në ambientet e Urgjencës.
Megjithatë, nuk dihet ende se nëse personi në fjalë është identifikuar me COVID-19 apo thjesht kanë shfaqur simptoma.
Më herët ditën e sotme, nën drejtimin e Presidentit të Republikës, Ilir Meta, u zhvillua mbledhja e Këshillit të Sigurisë Kombëtare me anë të një video-konference, nisur nga kushtet ku ndodhet vendi ynë pas goditjes nga COVID-19., ku është diskutuar rreth masave që janë marrë dhe po merren nga qeveria për përballimin e situatës në vend dhe parandalimin e përhapjes së mëtejshme të pasojave të COVID-19.
Zbardhet takimi, çfarë diskutuan Meta-Rama-Basha në mbledhjen e Këshillit të Sigurisë
Ndërkohë, mbrëmjen e djeshme qeveria ka shpallur gjendje e fatkeqësisë natyrore në të gjithë vendin për 30 ditë.
Coronavirusi, qeveria shpall gjendjen e fatkeqësisë natyrore në të gjithë Shqipërinë
