Rritet bilanci i viktimave në Greqi, pacienti ishte diagnostifikuar me COVID-19 një javë më parë

Google+ Pinterest LinkedIn Tumblr +

Numri i viktimave nga COVID-19 në Greqi ka shkuar në 21.

Viktima e radhës është një i moshuar, i cili ndërroi jetë sot në spitalin e Xanthit.

Ai ishte diagnostifikuar me koronavirus një javë më parë.

“Spitali i Përgjithshëm Xanthi shpreh keqardhje që një person rezultoi pozitiv me Covid-19 në zonën e Komunës së Mykis. Ai sot ndërroi jetë. Administrata dhe stafi ynë i spitalit shprehin ngushëllimet tona për të afërmit e tij”, tha në deklaratë Spitali i Përgjithshëm në Xanthi.

Në Xanthi ndërkohë janë regjistruar 8 raste pozitive me koronavirusi, duke përfshirë, 4 në qytet, 3 në zoën malore dhe 1 në Diomeda.

Numri i të infektuar nga COVID-19 në shteti helen ka kaluar shifrën 700, ku në mesin e tyre janë edhe dy çifte shqiptarësh.

Qeveria greke ka ndërmarrë një sërë masash shtrënguese për parandalimin e përhapjes së koronavirusit.

Pas pezullimit të qarkullimit të makinave, ndalohet edhe lëvizja e qytetarëve, të cilët nuk kanë emergjenca shëndetësore dhe nuk kanë dalë për t’u furnizuar me ushqime.

Shpërndaje
Share.

Komento