Ndërsa dje fillimisht u përfol se demonstratat do të përfundonin për këtë vit, studentët paralajmëruan që protesta e radhës do të mbahet sot përpara Parlamentit.
Kjo është hera e dytë që ata protestojnë përpara godinës së legjislativit, teksa këmbëngulin në plotësimin e tetë kërkesave.
Por nga ana tjetër edhe opozita ka paralajmëruar një protestë të madhe para Parlamentit në mbështetje të kërkesave të studentëve.
Kryetari i Partisë Demokratike ftoi dje qytetarët që t’i bashkohen kauzës së tyre.
“Dua t’u drejtoj një thirrje qytetarëve të bashkohen nesër me studentët masivisht në protestën para Kuvendit. E vetmja rrugë për ta sprapsur të keqen është të jemi bashkë të vendosur dhe të përballemi”, u shpreh Lulzim Basha dje.
Ndërkohë, në seancën e sotme do të jetë edhe opozita pas vendimit që mori në mbledhjen me aleatët.
Kryeministri Edi Rama organizoi dje një mbledhje me studentët në Vlorë, ku fill pas takimit u publikua edhe pakti i propozuar prej tij. Ai theksoi sërisht që nuk merret asnjë vendim nëse më parë nuk ka dialog.
Burimi: Iconstyle.al
