Mesditën e sotme një 41-vjeçare nga fshati Molisht në ish/komunën Sinjë, në rrethin e Beratit, i ka dhënë fund jetës.
Burimet zyrtare të policisë konfirmojnë se, viktima,15 minuta para vetëvarjes, ka telefonuar policinë, në numrin 129 dhe u ka thënë duke qarë që të kujdeseshin për fëmijët e saj.
Merita Filaj, nëna e 3 fëmijëve, ka varur veten me litar në kasollen e barit, që ndodhej pak metra larg banesës së saj.
Policia pas lokalizimit të telefonatës, ka shkuar drejt banesës së familjes Filaj, por e kanë gjetur gruan të vetëvarur në kasollen pranë shtëpisë.
Viktima 41-vjeçare, Merita Filaj nuk vuante nga asnjë formë depresioni, por duket se kushtet e vështira ekonomike në të cilat jetonte, e kanë detyruar të ndërmarrë këtë akt ekstrem.
Ajo jetonte e vetme në një banesë në fshatin Molisht, që ndodhej 3 km e veçuar larg banesave të tjera, bashkë me 2 vajzat e saj, ndërsa bashkëshorti dhe djali kishin emigruar në Greqi.
