Prej 31 dhjetorit Coronavirusi është kthyer në kryefjalën botërore, teksa javët e fundit ka paralizuar të gjithë globin duke shënuar 3,652 viktima dhe mbi 107,400 të infektuar në të gjithë kontinentet.
Në këto kushte, njerëzit janë pushtuar nga frikë dhe janë vazhdimisht në kërkim të mënyrave për të shpëtuar nga virusi i rrezikshëm, ndërsa nuk ka ende një kurë për të.
Deri më tani janë përhapur hipoteza të ndryshme, por nuk kanë qenë të pakta herët që ato janë hedhur poshtë nga Organizata Botërore e Shëndetit.
Kujdes, jo çdo hipotezë rreth Coronavirusit është e saktë! OBSH hedh poshtë studimin e shkencëtarëve
Kujdes! Përdorimi i shumtë i dezinfektuesit rrit rrezikun nga Coronavirusi
Së fundmi, BBC i ka dedikuar një artikull pikërisht këtyre këshillave, duke listuar 4 prej tyre të cilat NUK janë efektive, por thjesht MITE.
1.Përdorimi i hudhrave
Në Facebook është përhapur me shpejtësi një lajm, sipas të cilit konsumimi i hudhrave parandalon Coronavirusin.
Mirëpo, OBSH-ja thotë se ato nuk mund të parandalojnë prekjen nga virusi i ri ndonëse gëzojnë disa aftësi anti-mikrobiale.
2.Suplementi MMS
Jordan Sather, një nga figurat më të njohura në You Tube, ndezi rrjetin, pasi deklaroi para mijëra ndjekësve se një “ suplement i mrekullueshëm me minerale”, i quajtur MMS, ka fuqinë të parandalojë virusin kinez, pasi ky suplement përmban dioksid klori.
Por, BBC shkruan se ‘Administrata Amerikane e Ushqimit dhe Ilaçeve’ ka paralajmëruar se në fakt ky produkt, jo vetëm që nuk parandalon virusin, por është i rrezikshëm për shëndetin.
3.Dezinfektuesit e duarve të krijuar në kushte shtëpie
Një nga këshillat më të domosdoshme për të luftuar Coronavirusin, është edhe përdorimi i dezinfektuesve të duarve.
Njerëzit kanë rendur drejt farmacive dhe në kushtet kur depot ishin boshatisur ata nisën të krijonin dezinfektues në kushte shtëpi.
Disa kanë nisur të përdorin argjend koloidal, pasi u përhap lajmi se kjo lëndë me grimca argjendi arrin ta shkatërrojë Coronavirusin për 12 orë.
Por, autoritetet shëndetësore amerikane pretendojnë se jo vetëm nuk ka të dhëna që argjendi koloidal vepron siç thuhet, por përkundrazi ai mund të shkaktojë dëme të mëdha sidomos për veshkat.
4.Kosumimi i ujit çdo 15 minuta
Përveç dezinfektuesve, një nga teoritë e para të përhapura rreth mbrojtjes nga COVID-19 ishte edhe konsumimi i ujit çdo 15 minuta, për të mbajtur gojën e lagur, por mjekët e kanë hedhu poshtë këtë mit.
Edhe shpresat se Coronavirusi do zhdukej me rritjen e temperaturave, u zbehën disa ditë më parë nga OBSH, që deklaroi se kjo nuk do të ndodhë.
OBSH jep lajmin e keq: “Coronavirusi nuk do zhduket në verë, si gripi sezonal”
