Situata e krijuar tashmë në gjithë Ballkanin Perëndior ka shkaktuar shqetësim të madh jo vetëm në Evropë por edhe në SHBA.
Tashmë është bërë publike, në datë 9 prill Shqipërisë do t’i bëjë vizitë zëvendës Ndihmës Sekretari për Byronë e Çështjeve Evropiane dhe Euroaziaktike të SHBA-së, Matthew Palmer.
Sipas ReportTv tashmë është konfirmuar vizita dhe njëkohësisht, Palmer do të zhvillojë edhe një tur në të gjithë Ballkanin.
Nga ajo që mësohet, Palmer do të takohet me zyrtarët më të lartë të shtetit, ku përfshihet këtu, Presidenti Ilir Meta, kryeministri Edi Rama dhe kreu i Partisë Demokratike, Lulzim Basha.
Nëse kthehemi vetëm pak në kohë ka qenë Palmer ai që ka telefonuar dy liderët e partive më të mëdha opozitare në vend, Lulzim Bashën dhe Monika Kryemadhin, komunikim i cili kishte lidhje të drejtpërdrejtë me krizën politike.
Edhe kjo vizitë mendohet se do të jetë për të njëjtin qëllim.
