Niko Peleshi po mban të ngrirë një proces që sipas ligjit duhet të ishte trajtuar pa vonesa. Refuzimi i përsëritur për të thirrur Këshillin e Mandateve dhe Imunitetit për shqyrtimin e kërkesës së SPAK për heqjen e imunitetit të Belinda Ballukut nuk është më një veprim procedural, por një akt politik me pasoja të rënda për shtetin e së drejtës.
Pavarësisht se afati i kërkuar nga mbrojtja e Ballukut ka përfunduar, kryetari i Kuvendit vazhdon ta shtyjë procesin pa afat, duke mbajtur peng një vendimmarrje që i takon Kuvendit vetëm si filtër formal dhe jo si gjykim mbi provat. Kjo sjellje bie ndesh me frymën e Rregullores dhe krijon një precedent të rrezikshëm, ku një zyrtar i lartë politik bllokon drejtësinë thjesht duke mos vepruar.
Heshtja dhe refuzimi i vazhdueshëm e zhveshin Kuvendin nga roli i tij kushtetues dhe e ekspozojnë si mburojë politike për pushtetin.
Pse kjo këmbëngulje për ta mbajtur dosjen Balluku të bllokuar? A është kjo një “bindje” ndaj partisë dhe presionit të drejtpërdrejt të Ramës mbi vartësit e tij? A po del në pah edhe një herë një zinxhir korrupsioni që prek nivelet më të larta të pushtetit?
Në Tiranë flitet hapur edhe për materiale komprometuese, video të forta që qarkullojnë dhe për të cilat një pjesë e mirë e qytetarëve e dinë se për çfarë bëhet fjalë. Duket se pikërisht këto materiale kanë shërbyer si shantazh për Peleshin, kaq të gatshëm për të penguar drejtësinë për Ballukun.
Fakti është një: Kuvendi nuk ka të drejtë të sillet si gjykatë dhe as të zëvendësojë organet e drejtësisë. Detyra e tij është të mos pengojë hetimin.
Mirëpo, materiale të forta nën rrogoz duket se e mbajnë fort imunitetin e Ballukut në këto kushte…
