Presidenti i Francës, Emmanuel Macron, ka paralajmëruar Bashkimin Europian për atë që ai e cilësoi “momentin e së vërtetës” lidhur me solidaritetin financiar në mes të krizës me koronaviruin.
Në një intervistë për Financial Times, kreu i shtetit francez deklaroi se nuk ka tjetër zgjidhje përpos krijimit të një fondi të përbashkët që të mundësohet lëshimit i borxheve si garanci e përbashkët për të financuar shtetet anëtare sipas nevojave të tyre dhe madhësisë së ekonomive të tyre.
Sipas Macron, mungesa e solidaritet mund të nxisë zemërim në Europën Jugore veçanërisht tek vendet më të goditura nga virusi.
“Jemi në momentin e së vërtetës, në qoftë se BE është projekt politik apo vetëm një projekt tregu. Nëse nuk mund të bëjmë atë sot, ju them se populistët do të fitojnë … sot, nesër, pasnesër, në Itali, Spanjë, ndoshta në Francë dhe gjetiu”.
Një situatë e tillë sipas presidentit francez, do të ndryshojë natyrën e globalizmit, me të cilin kemi jetuar për 40 vite, ndërsa i pyetur për reagimin autoritar të Kinës për të mbajtur nën kontroll përhapjen e koronavirus, Macron i u përgjigj se kanë ndodhur shumë gjëra për të cilat ne nuk kemi shumë dijeni dhe se nuk ekziston asnjë krahasim midis shoqërive të hapura dhe atyre ku e vërteta është e shtypur.
Sakaq, në 24 orët e fundit në Francë janë shënuar 761 viktima, duke e çuar në 18, 681 numrin e përgjithshëm të jetëve të humbura, si edhe janë shënuar 1,909 raste të reja, me një numër të përgjithshëm prej 147,969 të infektuarish.
Gjithsej, janë shëruar 34,420 persona, ndërkohë që 6,027 pacientë ndodhen në gjendje kritike.
