Koronavirusi i ka marrë jetën ditën e sotme ish-presidentit të Tiranës, Metush Seferi në moshën 70-vjeçare. Prej disa ditësh ai ishte i infektuar me koronavirus dhe po kurohej për të mposhtur sëmundjen. Së fundmi ishte futur në intubim, por në fund nuk mundi të shpëtojë dhe ndërroi jetë. Por Seferi njihej në sportin shqiptar si president i Tiranës.
Ai e drejtoi klubin bardheblu në vitet 1993-1998, kohë kur Tirana u rikthye të trofetë, pas një periudhë të vështirë gjatë komunizmit.
Në lidhje me këtë ngjarje ka reaguar dhe presidenti i FSHF-së, Armand Duka i cili me anë të një postimi në rrjetet sociale, shpreh ngushëllimet familjarëve të tij.
Një tjetër humbje në botën e futbollit na trishton sërish. Virusi i mori jetën Metush Seferit, ish-Presidentit të Tiranës, që fatkeqësisht nuk ia doli të fitojë betejën me virusin Covid-19. Metushi dha një kontribut të vyer në radhët e skuadrës kryeqytetase në vitet ’90 duke fituar disa tituj kampion, e duke mbetur në mendjet e tifozëve të Tiranës.
I shpreh ngushëllimet më të sinqerta familjes, të afërmve dhe miqve të tij. Familja e futbollit do ta kujtojë si nja nga kontribuuesit e çmuar të futbollit kryeqytetas dhe atij shqiptar. I paharruar qoftë kujtimi i tij!“,
