Kafsha dhe teknologji nuk mund të bashkëjetojnë dhe për pasojë ndodhin edhe aksidente, madje herë-herë fatale.
Një aksident me pasojë vdekjen e një personi ka ndodhur në aksin Korçë-Bilisht.
Viktima e këtij aksidenti është shtetasi Hekuran Ramo, 70 vjeç, i cili udhëtonte me kalë.
70-vjeçari u godit nga një automjet tip “Volkswagen”, me drejtues shtetasin me iniciale E.G. 27 vjeç.
Drejtuesi i mjetit shtetasi E.G., u dërgua në Spital për kontroll mjekësor, pas të cilit do të kryen edhe veprimet e mëtejshme proceduriale.
Grupi hetimor po punon për zbardhjen e rrethanave dhe shkaqeve të aksidentit.
Më poshtë gjeni njoftimin e policë:
“Më datë 23.09.2020, rreth orës 05:35, në aksin rrugor Korçë-Bilisht, në afërsi të fshatit Neviçisht, ka ndodhur një aksident, ku për pasojë shtetasi E. G., 27 vjeç, banues në fshatin Pojan, duke drejtuar mjetin tip “Volksëagen”, ka përplasur shtetasin H. R., rreth 70 vjeç, banues në fshatin Neviçisht, që lëvizte në rrugë me kalë, i cili ka gjetur vdekjen.
Drejtuesi i mjetit shtetasi E. G., u dërgua në Spital për kontroll mjekësor, me të cilin do të kryen veprimet e mëtejshme proceduriale.
Grupi hetimor po punon për zbardhjen e rrethanave dhe shkaqeve të aksidentit”.
/GazetaReforma.com/
