Vetëm pak kohë më parë, dhe jo disa vite por vetëm 2-3 muaj më herët, disa njerëz të guximshëm dhe me informacion, mbushën rrjetet sociale me “thashetheme” se, pandemia kishte për synim vendosjen e një “Rendi të Ri Global”.
Sipas tyre, “Rendi i ri” synonte që nëpërmjet pandemisë të instalonte një “diktaturë sanitare” e cila do të bënte kontrollin e të gjithë njerëzve nëpërmjet vaksinimit (të detyruar), një regjistri shëndetësor (të imponuar), dhe në fund drejt reduktimit të popullsisë globale.
Por këta njerëz u qeshën dhe përqeshën nëpër rrjetet sociale dhe u diktuan me lloj lloj emrash e epitetesh, nga njerëz të famshëm, politikan dhe shkencëtarë.
Po ashtu nëpër mediat e botës këtyre individëve ju vendos një censurë e hekurt, mbi teoritë që përhapnin dhe tezat që mbronin.
Po ashtu edhe sot kur pandemia e koronavirusit është kthyer në valën e dytë të saj, dhe pas daljes së disa vaksinave qeveritë po orvaten në sigurimin e dozave për të gjithë popullatën, dhe kur masat bllokuese janë ekstremizuar duke sjellë edhe rrënimin e ekonomisë, këta individ anti-konspiracionistë vijojnë të tallen dhe censurohen.
Por pas fillimit me sukses të procesit vaksinimit, një tjetër tezë e pa imagjinuar vetëm pak më parë është lëshuar nga Presidenti kinez Xi Jinping.
Presidenti i Kinës komuniste, Xi Jinping, ka sugjeruar një sistem global gjurmimi të lëvizjes së të gjithë njerëzve në planet me pretekstin e Covid-19, duke përdorur kodet “QR”, për të krijuar një kartë ose certifikatë sanitare për cilin do individ që duhet të bëjë udhëtime nëpër botë.
Sipas kreut të Kinës komuniste, ky regjistër për secilin individ do të ndihmojë udhëtimet e shpejta ndërkombëtare dhe biznesin gjatë pandemisë së koronavirusit.
Kina urdhëroi përdorimin e gjerë të certifikatave shëndetësore të bazuara në kodet “QR” në fillim të këtij viti për qytetarët e saj fillimisht. Ky sistemi, i cili përdor një barkod elektronik për të ruajtur historinë e udhëtimit dhe shëndetit të një personi, është vlerësuar se “ka ndihmuar në frenimin e përhapjes së virusit”.
Kodi u lëshon përdoruesve një sinjal me ngjyra bazuar në ekspozimin e tyre të mundshëm ndaj koronavirusit. Ngjyrat janë si semaforët, jeshilja është më e sigurta, pastaj portokalli dhe së fundmi e kuqja.
Sakaq, Xi Jinping, ka folur në takimin e udhëheqësve virtualë të G20, ku ka thënë se për të siguruar funksionimin e qetë të ekonomisë botërore gjatë pandemisë, vendeve u duhet të bashkohen në këtë “mekanizëm”.
“Kina ka propozuar një mekanizëm global mbi njohjen reciproke të certifikatave shëndetësore, bazuar në rezultatet e provave të acidit nukleik në formën e kodeve ‘QR’ të pranuara ndërkombëtarisht. Shpresojmë që më shumë vende të bashkohen me këtë mekanizëm”,- tha Xi.
Xi nuk tha në mënyrë të qartë se çfarë lloj aplikacionit ose sistemit të kodit ‘QR’ po sugjeronte, ose kush do ta projektonte dhe drejtonte atë. Megjithatë, disa vende kanë futur teknologjinë e aplikacioneve, për të ndjekur lëvizjet e qytetarëve dhe ekspozimin e mundshëm ndaj Covid-19, duke përfshirë Australinë, Japoninë dhe Singaporin, por nuk ka asnjë koordinim midis sistemeve edhe pse ato kanë pasur sukses.
Një studim nga Universiteti i Oksfordit i zhvilluar në muajin prill, zbuloi se, nëse edhe vetëm 56% e popullsisë së një vendi do të mund të përdorte një aplikacion gjurmimi, mund të ndalohej përhapja e Covid-19.
Por, duke pasur parasysh shqetësimin në rritje nga vende të ndryshme rreth përdorimit të teknologjisë kineze në industri, ka të ngjarë të ketë pyetje serioze se, si do të funksiononte një sistem ‘QR’ i zhvilluar dhe testuar në Pekin.
/Burimi: CNBC/Përshtati: GazetaReforma.com/
