Një ngjarje e rëndë ka ndodhur pasditen e së mërkurës në një pallat në rrugën “Shyqyri Ishmi” në Tiranë, ku dy persona mbetën të plagosur gjatë një konflikti mes fqinjëve.
Sipas Policisë, rreth orës 16:15, gjatë një përplasjeje për motive të dobëta, shtetasi Kristjan Thaçi, 34 vjeç, ka dëmtuar me mjet prerës komshiun e tij, Marjo Miha, 21 vjeç, dhe me sende të forta shtetasin A.N., 60 vjeç, që rezulton të jetë babai i tij.
Të plagosurit janë dërguar në spital dhe ndodhen nën kujdesin e mjekëve.
Ndërkohë, policia vijon kërkimet për kapjen e autorit, ndërsa grupi hetimor po punon për të sqaruar rrethanat e plota të ngjarjes.
