Ditën e sotme janë konfirmuar pozitiv me koronavirus 8 persona në qytetin e Elbasanit.
AbcNews ka mësuar se një prej rasteve pozitive në këtë qytet është brenda bashkisë Elbasan.
Gjithashtu mësohet se tamponi personave të dyshuar u ishte bërë që me 20 gusht dhe përgjigjet e tyre kanë dalë sot. Ndërkohë ka filluar edhe hetimi epidemiologjik, duke u testuar të gjithë personat e dyshuar që kanë patur kontakt me personat e konfirmuar pozitiv.
Kujtojmë se gjatë 24 orëve të fundit në vendin tonë janë kryer 785 testime dhe sipas Ministrisë së Shëndetësisë 152 persona janë konfirmuar pozitivë me Covid-19.148 qytetarë e kanë fituar betejën me Covid-19 në 24 orët e fundit, duke e çuar numrin e të shëruarve në 4 332 që nga fillimi i epidemisë.
Aktualisht në spitalin Infektiv dhe “Shefqet Ndroqi” po trajtohen 148 pacientë të konfirmuar pozitivë me Covid-19, 19 në terapi intensive nga të cilët 7 pacientë janë të intubuar.
