Gazetari Klodian Tomorri ka ironizuar qeverinë e kryeministrit Edi Rama lidhur me fenomenin e shit-blerjes së votave në zgjedhje.
Përmes një postimi në rrjetet sociale, Tomorri nënkupton se qeveria është “e pafuqishme ekonomikisht” për të blerë vota, ndërsa ironinë e shtron mbi opozitën, të cilën e përshkruan si grupim “shumë të rrezikshëm” për këtë fenomen. Ai shkruan se bazuar në statistikat e Policisë për 15 vitet e fundit, rezulton se në Shqipëri blerjen e votave e kryen vetëm opozita, ndërkohë që policia nuk ka mundur të kapë në flagrancë asnjë përfaqësues të qeverisë.
Postimi i tij është një thumbim i hapur ndaj propagandës zyrtare, duke nënvizuar ironikisht paaftësinë ose mungesën e vullnetit të institucioneve për të hetuar rastet kur blerja e votës mund të ndodhë nga pala në pushtet.
Postimi i plotë:
Po te marresh statistikat e policise ne 15 vitet e fundit, rezulton se ne Shqiperi votat i ble vetem opozita. Nga qeveria nuk eshte kapur asnjeri duke blere.
Kjo edhe besohet ne fakt. Se fundja leket opozita i ka. Qeveria nuk eshte se ka ndonje para.
Pra, eshte shume e qarte. Ne te gjithe boten, pislliqet i ben qeveria. Vetem ketu ka qelluar mbrapsht puna.
Shqiperia eshte i vetmi vend ne planet ku votat i ble opozita. Zgjedhjet i manipulon opozita. Krimin e kontrollon opozita. Tani se fundmi po thone qe opozita ka kapur dhe drejtesine se kontrollon dhe SPAK-un me gjykatat.
Keta kot e kane qe e cojne miletin ne zgjedhje per te zgjedhur qeverine. Llogjikisht ne duhet te votojme per te zgjedhur opoziten.
